சசி தந்த பட்டியல்; கவர்னர் சந்தேகம்!

முதல்வர் பன்னீர்செல்வத்திற்கு, அமைச்சர் பாண்டியராஜன், ஆதரவு அளித்துள்ளதால், சசிகலா தந்த பட்டியல் குறித்து, கவர்னருக்கு சந்தேகம் எழுந்துள்ளது.




முதல்வர் பன்னீர்செல்வம் கவர்னரை சந்தித்து, 'எனக்கு, 64 எம்.எல்.ஏ.,க்கள் ஆதரவு உள்ளது. எம்.எல்.ஏ.,க்கள் அனைவரையும், சசிகலா தரப்பினர் அடைத்து வைத்துள்ளனர். எனக்கு பெரும்பான்மையை நிரூபிக்க, வாய்ப்பு தாருங்கள்' என, கோரிக்கை விடுத்தார். கவர்னர் எந்த முடிவையும் அறிவிக்காமல் உள்ளார்.

இந்நிலையில், சசிகலா கவர்னரை சந்தித்த போது, அவருக்கு ஆதரவாக, அமைச்சர் பாண்டியராஜனும் சென்றிருந்தார். ஆனால்,

நேற்று முன்தினம், திடீரென முதல்வர் பன்னீர் செல்வத்திற்கு ஆதரவு அளித்தார். இதனால், சசிகலா வழங்கிய, எம்.எல்.ஏ.,க்கள் ஆதரவு பட்டி யலை நம்பி, அவரை ஆட்சி அழைக்க முடியுமா என்றசந்தேகம், கவர்னருக்கு எழுந்துள்ளது.

பாண்டியராஜனை போல், ஏராளமானோர் பன்னீர் செல்வம் பக்கம் செல்ல வாய்ப்புள்ளதால், எம்.எல்.ஏ.,க்கள் அனைவரையும், கவர்னர் தனித்தனியே சந்தித்து பேச வாய்ப்புண்டு என, கவர்னர் அலுவலக வட்டாரங்கள் தெரிவித்தன.

சசிகலாவுக்கு சிக்கல்

தமிழக சட்டசபையில், அ.தி.மு.க.,விற்கு, 135 எம்.எல்.ஏ.,க்கள் உள்ளனர். தற்போதைய நிலவரப் படி, முதல்வர் பன்னீர்செல்வம் தரப்பில், ஏழு எம்.எல்.ஏ.,க்கள் உள்ளனர். மயிலாப்பூர், எம்.எல்.ஏ., நடராஜ், மனிதநேய ஜனநாயக கட்சியை சேர்ந்த, நாகப்பட்டினம் எம்.எல்.ஏ., தமிமுன் அன்சாரி ஆகியோர், முடிவை அறிவிக்காமல் உள்ளனர்.

மீதமுள்ள, 126 எம்.எல்.ஏ.,க்களில், எத்தனை பேர், சசிகலாவுக்கு முழு மனதுடன், ஆதரவு தெரிவித் துள்ளனர் என, தெரியவில்லை. பெரும்பாலான,
எம்.எல்.ஏ.,க்கள், பன்னீர்செல்வத்திற்கு, ஆதரவு தெரிவித்துள்ள நிலையில், அவர்களால், தனியார் விடுதியில் இருந்து, தப்பிக்க முடியாத நிலை உள்ளது.

அவர்களில், குறைந்தது, 12 எம்.எல்.ஏ.,க்கள், பன்னீர்செல்வத்திற்கு, ஆதரவாக திரும்பி னாலே, சசிகலாவால் ஆட்சி அமைக்க, உரிமை கோர முடியாது. எனவே, அனைவரையும் தக்க வைத்துக்கொள்ள, சசி தரப்பு, அனைத்து வித முயற்சிகளையும் எடுத்து வருகிறது.
- நமது நிருபர் -