கமலிடம் சிக்காமல் ஜகா வாங்கிய ரஜினி
பதிவு செய்த நாள்23செப்
2017
05:22




'நீட்' நுழைவுத்தேர்வு உள்ளிட்ட விஷயங்களில், மத்திய, மாநில அரசுகளை எதிர்த்து வரும், நடிகர் கமல், விரைவில் அரசியலில் குதிக்கப் போவதாக அறிவித்துள்ளார். இதற்காக, 'ரஜினியுடனும் கைகோர்க்க தயார்' என, கமல் கூறியிருந்தார்.

ஆனால், அதை விரும்பாத ரஜினி, பிரதமர் மோடியின், 'துாய்மை இந்தியா' திட்டத்திற்கு, 'டுவிட்டரில்' ஆதரவு தெரிவித்து, கருத்து பதிவிட்டுள்ளார். அதில், அவர், 'பிரதமரின் துாய்மை இந்தியா திட்டத்தை, நான் முழுமையாக ஆதரிக்கிறேன். துாய்மையே தெய்வீகமானது' என, குறிப்பிட்டுள்ளார்.

கமல் கடுமையாக எதிர்க்கும் பிரதமரை ஆதரித்து, ரஜினி, தன் அரசியல் நிலைப்பாட்டை தெளிவுபடுத்தி விட்டதாக, அவரது ரசிகர்கள் தெரிவித்தனர்.

- நமது நிருபர் -